Nitong Kapaskuhan, niregaluhan ako ng Rubik’s Cube ng isang Kapuso. Medyo nauuso kasi ito ngayon sa isang departamento sa opisina. Naaliw ako sa bagong Rubik’s Cube ko dahil isang hamon ang pagbubuo nito. Pero hanggang ngayon, iisang gilid pa lamang ang nabubuo ko — kadalasan ay iyong puti.

Minsan, ipinahiram ko ang Rubik’s Cube kay Mhay at aliw na aliw rin siya sa pagbubuo nito. Halata ba sa larawan? Mas mabilis siyang makabuo kaysa sa akin.

(more…)

Posted by mobile phone:
Tip para sa mga namimili ngayong Pasko: huwag basta-basta kukuha ng mga larawan ng mga paninda. Baka kayo masupalpal na gaya ko.

Sa isang nakalipas na entry ay binanggit ko ang mga kakaibang disenyo ng pambabaeng brand ng damit na Bayo–kakaiba dahil sa dami ng mga local brand na nagkukunwaring Stateside, may mga disenyo silang Proudly Pinoy na matatawag.

Napadaan kami kanina sa isang tindahan nila at nang tangkain kong kunan ang isang damit na may mga print ng monumento ni Rizal para mai-post dito, pinigil ako ng nagtitinda. Bawal daw kasi.

Akala ko sa mga museo lang bawal ang ganiyan. Sa mga tindahan din pala. Nasupalpal ako. Hindi kasi muna nagtatanong, hehe.

Gaya nang dati, ang naisip ko na lang: Kung ayaw nyo, e di huwag.

Gusto mo bang makapasok sa “bahay ni Kuya Ederic”?

Kulang kami ng isang housemate. Nag-”voluntary exit” kasi ang kaibigan kong si Bing noong isang buwan. Dahil dito, lumipat ako sa kuwarto niya. Wala na ngayong roommate ang pinsan kong si Jay na kasalukuyang nagsasanay sa isang kampo ng pulisya sa Laguna. At wala akong katulong sa pagbabayad ng renta.

Maaaring ikaw ang hinahanap naming roommate. Kung ikay ay good boy, nasa kolehiyo o kasalukuyang nagtatrabaho sa Kamaynilaan, at naghahanap ng matutuluyan sa Quezon City (Barangay Sacred Heart/Scout/Kamuning Area), bakit di mo silipin ang silid?

(more…)

Pagkatapos naming maghapunan sa isang bagong kainan na naghahain ng kebab, dumiretso kami sa Kopi Roti sa Tomas Morato. Ito ang in-order namin:

Ganito na ito agad makalipas ang ilang minuto: (more…)