Hindi ako nakakapag-blog dito sa ederic@cyberspace nitong nakalipas na mga araw. Binabalak ko kasing sagutin muna ang mga isinulat ng ibang bloggers tungkol sa guro ko, si Prof. Luis Teodoro, sabihin niyang dapat mag-blog ang mga journalist upang magsilbing halimbawa sa ibang bloggers.

Samantala, nitong mga nakalipas na araw ay madalas ang updates sa MakaPalm.com, ang tech blog ko. Doon ko na ipino-post ang mga kwento’t balita ko tungkol sa aking Palm Treo 650, sa Ubuntu Linux, sa Google, at iba pang techie things. Sana bisitahin din ninyo.

Bagamat Pinoy Palm users ang primary audience ko sa MakaPalm, dahil sa Entrecard (may utang pa ako kay Aileen!) at sa tech topics ay maraming naliligaw na galing sa ibang bansa. Kaya napa-praktis din ang English ko roon. Sinusubukan ko rin ang monetization at SEO tips na nababasa ko kina Sel, Marghil, Jezhlau, at iba pa.

Sa ibang usapin, abangan at samahan kami sa susunod na Bloggers’ Kapihan sa May 24, 2008. Susunod na ang mga detalye.

Noong unang i-offer ng Unionbank ang EON Cyber Account, bentang-benta ito sa akin. Dahil wala pang credit card company na gustong mag-approve sa applications ko, ang EON Visa ang nagbigay ng kaunting katuparan ng aking pangarap na digital/cyberlifestyle sa dialup lang na connection ko noon. Gaya ng credit card, puwedeng gamitin ang EON sa pagbabayad online. Ang kaibahan lang, dapat ay may pondo ang cyberaccount mo para maisagawa ang transaksyon.

Asteeg na sana. Yun nga lang, tatatlo lang ata ang UnionBank sa buong Metro Manila kaya’t di ako makapag-deposit — at wala rin namang masyadong pan-deposit, kaya nag-expire lang ang account ko. Nang lumipat ang opisina namin sa Makati, kumuha ako ng isa pang account, pero ganoon din ang nangyari. Ngayon, ang cards nito ay bahagi na lamang ng aking collection.

(more…)

door·bell /ˈdɔrˌbɛl, ˈdoʊr-/ [dawr-bel, dohr-]
–noun
1. a bell chime, or the like, at a door or connected with a door, rung by persons outside wanting someone inside to open the door.
–verb (used without object)
Source: Dictionary.com

Gaya ng ipinapaliwanang sa itaas, ang doorbell ay yung bagay na paulit-ulit na pinipindot ng isang bisita upang malaman ng mga nasa loob ng bahay na naiinip na siya sa paghihintay sa labas. Ito rin ang pinagti-trip-an ng makukulit na bata kapag madaling araw para makapang-istorbo ng mga natutulog. Ito rin ay napapasama minsan sa mga dinidilig ng mga kapitbahay.

Doorbell ang obsession ko nitong mga nakalipas na araw.

(more…)

Nostalgia Manila mode muna ako.

Noong Biyernes na gabi, pagkagaling sa opisina ay naglakad lang ako pauwi. Hindi kasi ako agad makaisip ng lugar na makakainan. Lumampas na ako sa tapat ng tirahan ko, kaya’t kako’y sa isang manukan malapit na lang sa amin ako kakain. Nang patawid na ako, saka ko naalala na may Goodah!!! malapit sa doon. Nilakad ko ang direksyon papuntang Goodah!!! Kamuning.

Noong mid-90s at nasa kolehiyo pa ako, kumakain kami paminsan-minsan ng isang kabarkada ko sa Goodah!!! sa Katipunan. Kung hindi ako nagkakamali ng pagkaalala, naisama pa namin minsan ang isang magandang kaklase namin sa Social Work (na nabanggit ko sa post na ito) na noo’y problemado sa puso, at inaliw namin siya sa Goodah!!! O baka naman nag-iimbento na lang ang alaala ko. Kalaunan ay nagsara ang branch na ‘yun.

(more…)

Katatapos ko lang makipag-usap, at pinagbagsakan ako ng telepono ng isang nagpakilalang Dir. Pablo Cagasa ng Philippine Anti-Drug Support Group Incorporated.

Unang kumausap sa akin ang isang tila assistant mula raw sa kanyang opisina, hinahanap ang isang Aderic Eder. Nang makausap ko na siya, sa kanyang paliguy-ligoy na pananalita, kinumusta niya ako at ang aking negosyo. Sinabi niyang ang kanilang grupo raw ay isang NGO na pinopondohan ng mga donasyon. Sa local government unit at Bureau of Internal Revenue raw nila nakuha Nais daw nila akong imbitahan sa kanilang founding anniversary sa Kowloon House dito sa Quezon City at baka raw ako gawing guest speaker.

Bakit kako? Sa anong kapasidad kako nila ako gustong imbitahan?

(more…)