Dumalo rin kami ni Mhay sa ikalawang bloggers’ meet ng Taste Asia sa Mall of Asia. Yun nga lang, gaya noong una, maaga kaming umalis dahil may trabaho pa kami kinabukasan. Masarap ‘yung pagkain–mas gusto ko ‘yung mga ulam kaysa noong una. Kaya lang, parang kulang ang upuan.

Una kong nakita si Jhay, na gaya ko’y BK crew rin. Kasama niya ang admin ng Pinoy Money Talk, na gaya ko’y dating taga-Kule.

Habang kumakain kami, napadaan sa may amin ang TV personality/ blogger/ cyberceleb na si Benj, at siyempre, konting kuwento. Konti lang ba ‘yun? :p

Nang medyo lumibot kami ni Mhay para maghanap ng mauupuan, natagpuan namin sina Shari, Dr. Tess, Billycoy at Yoru. Nakausap ko rin sandali sina Jehzeel at Karlo.

Sayang at di kami nadako sa may Cliquebooth nina Karl and Mimi. Di ko rin tuloy nakita ang Peyups friends ko gaya nina Markku at Dax. Naroon din si Jeff, pero di kami nagkita.

(more…)

Bago natin tuluyang iwan ang usaping Malu Fernandez, narito ang isinulat ko tungkol dito sa Pinoy Gazette noong kasagsagan ng isyu:

Isang kolumnista ang nagsulat na gusto na raw niyang maglaslas ng pulso nang maisip na makakasama niyang lahat sa eroplano ang OFWs na nakasalamuha niya sa duty-free shop sa Dubai nang mag-stop over sila sa biyahe niya papuntang Gresya.

“…I forgot that the hub was in Dubai and the majority of [them] were stationed there. The duty-free shop was overrun with Filipino workers selling cell phones and perfume. Meanwhile, I wanted to slash my wrist at the thought of being trapped in a plane with all of them.”

Read more »

Magkakaroon ng bagong hitsura ang Orkut–ang pantapat ng Google sa Friendster, Facebook, at MySpace. Dapat sumali na kayo at i-add ako.

Sa pinabagong entry sa Orkut blog, ganito ang isinulat ng software engineer na si Eduardo Cordeiro:

When you think Google, you picture primary colors; when you think orkut, you see blue. And though we’re updating out look, we’re staying true to blue. We’ve added some rounded corners and new icons that make orkut look a little more sleek and modern. Check out a screen shot of the new homepage.

(more…)

Napapadalas ata ang paggamit ko ng salitang balasubas sa blog na ito ah. Kung na-high blood ako sa nanlait sa mga kababayan ko, aba’y parang ganoon din sa isang wari nangnenok sa gawa ng isang kapwa-blogger ko.

Kakakita ko lang noong isang araw sa post ni Connie Veneracion tungkol sa pangongopya ng Manila Bulletin sa recipe niya. Ngayong gabi, ipinabasa sa akin ni Vernon Totanes ng Filipino Librarian ang kanyang bukas na liham para sa isang Cristina Santos Canonigo, nakatalang may-akda ng aklat na Talumpati! Talumpati! Talumpati! Book One: Pantulong sa mga Guro’t Mag-aaral, na gumamit sa kanyang mga salin nang walang pahintulot.

Naalala ko tuloy ang post ko dati tungkol kay Keiko at iba pang Cybermagnanakaw. Kawawa itong si Keiko. Dinale siya ng galit na bloggers. Kung ako si Cristina Santos Canonigo, kakausapin ko kaagad si Vernon. Aba, mahirap nang ma-Malu Fernandez!

Eto pala ang buong teksto ng bukas na liham ni Filipino Librarian:

(more…)